Жеке деректер туралы ереже

«Рош Қазақстан» ЖШС («Рош Қазақстан») біздің Интернет-сайтқа кіргеніңіз немесе бізге электрондық пошта арқылы хабарласқаныңыз үшін алғыс білдіреді.

Рош Қазақстан өз сайттарына келушілердің жеке құқықтарын қорғау маңызды міндет екенін түсінеді. Сіздің денсаулығыңыз туралы ақпарат және сіздің жеке деректеріңіз жария етілмейді. Осыған байланысты біз жеке деректердің жалпы қабылданған қауіпсіздік нормаларына сәйкес қажетті шараларды қабылдадық. Біз сіздің жеке деректеріңізді Рош компаниялар тобының жеке деректерді қорғау туралы қағидаларына сәйкес, сондай-ақ Еуропалық Одақтың, Швейцарияның, Қазақстан Республикасының заңдарына және жеке ақпаратты сақтауды, өңдеуді, оған қол жеткізуді және беруді реттейтін басқа да қолданыстағы жергілікті нормативтік нормаларға сәйкес өңдейміз.

Рош Қазақстан компаниясымен кері байланыс опциясын пайдалану кезінде өз жеке деректеріңізді ұсына отырып, сіз өзіңіздің жеке деректеріңізді Қазақстан Республикасының қолданыстағы заңнамасына сәйкес жол берілетін барлық іс-әрекеттер нысанында және тәсілдермен өңдеуге келісетініңізді растайсыз. Рош Қазақстан сіздің жеке деректеріңізді Рош компаниялары тобы ішінде, сондай-ақ сіздің жеке деректеріңізді өңдеу мақсатында үшінші тұлғаларға беруге (оның ішінде трансшекаралық) құқылы және мұндай үшінші тұлғалар сіз Рош Қазақстан мекенжайына жазбаша нысанда немесе кері байланыс опциясын пайдалану арқылы жіберген өз келісіміңізді қайтарып алған сәтке дейін осы келісім негізінде жеке деректеріңізді өңдеуге құқылы. Рош Қазақстан құпиялылықтың сақталуына және сіздің жеке деректеріңіздің тиісті қорғалуына кепілдік береді.

Рош Қазақстан Интернет-сайттары Жеке деректер туралы ережені («Ереже») ұстанады және тиісті заңдарға, қағидалар мен ережелерге сәйкес ақпараттық базаны құру, қолдау және пайдалану үшін сіздің жеке деректеріңізді сұратады. Бұл ереже Рош Қазақстан Интернет-сайттар, электрондық пошта және басқа да онлайн-құралдар арқылы алған барлық жеке деректерге (төменде қараңыз) қолданылады. Ереже автономды (офлайн) ресурстардан жиналған жеке деректерге (оны жинауда Рош Қазақстан электрондық (онлайн) ресурстары пайдаланылған жағдайларды қоспағанда) қолданылмайды. Сондай-ақ, Ереже Рош Қазақстан Интернет-сайтына байланысты үшінші тараптардың Интернет-ресурстарына қолданылмайды, өйткені Рош Қазақстан олардың мазмұны мен құпиялылық туралы, оның ішінде жеке деректерге қатысты талаптарды сақтау шарттарын реттей және/немесе бақылай алмайды.

Біз жеке деректерді сіз өзіңіз анықтаған көлемде ғана жинаймыз. Біз үшінші тараптардың маркетингтік мақсатта пайдалануы үшін сіздің келісіміңізсіз жеке деректерді таратпаймыз. Сіз өзіңіздің жеке деректеріңіз туралы берген ақпаратты тіркеуді жою жолымен кез келген уақытта кері қайтарып алуға құқығыңыз бар. Интернеттегі ақпаратты қалай жинайтынымызды, қолданатынымызды, тарататынымызды және қорғайтынымызды білу үшін осы Жеке деректер туралы ережені оқып шығыңыз.

Рош Қазақстан сізден Интернет арқылы ақпарат алатын екі негізгі әдіс бар:

Біз алатын ақпарат

• Жеке деректер. Сіз біздің Интернет-сайтқа жеке ақпарат бермей кіресіз. Біз сіздің жеке деректеріңізді (аты, мекенжайы, телефон нөмірі, электрондық пошта мекенжайы және т.б.) өзіңіз қалаған жағдайда ғана ала аламыз. Біз сондай-ақ сауалнамалардағы сұрақтарға жауаптарыңыздан денсаулығыңыз туралы деректерді ала аламыз.

• Жалпыланған ақпарат. Кейбір жағдайларда біз сіз берген деректерден жеке идентификаторларды жылжытып, жалпыланған деректерді жасаймыз. Пайдаланушыларға қызмет көрсетуді жақсарту және өнім сапасын жақсарту үшін қажет анонимді жалпыланған статистиканы (мысалы, интернет-провайдер ескеретін кірушілер саны) шығару үшін біз бұл деректерді басқа ақпаратпен біріктіре аламыз.

• Автоматты түрде жиналатын ақпарат. Біз сіздің интернет-сайттарымызбен өзара әрекеттесу, электрондық пошта арқылы хат алмасу және т. б. барысында пайда болатын деректердің кейбір түрлерін автоматты түрде аламыз. Веб-хаттамалар, IP мекенжайлары, кукилер, веб-белгілер және үшінші тараптың қолданбалары мен құралдары сияқты технологиялар мен қызметтер туралы айтып отырмыз.

• Веб-хаттамалар/IP мекенжайлары. IP мекенжайы Интернетке кіру үшін компьютерге тағайындалған мекенжайды білдіреді. Барлық компьютерлер IP мекенжайы арқылы серверлермен және басқа компьютерлермен байланысу үшін Интернетте анықталады. Рош Қазақстан сапаны жақсарту үшін сервис талдауын пайдалана отырып, іскерлік серіктестер, өндірушілер мен филиалдар алдында жүйелі әкімшілендіру және жиынтық есептер үшін IP мекенжайларды жинайды.

• Куки. Куки – бұл Интернет-сайтқа кірген сайын компьютердің қатқыл дискісінде автоматты түрде орналасқан деректер бөлігі. Осылайша, куки – Интернет-сайт үшін браузердің бірегей идентификаторы болып табылады. Куки бізге ақпаратты серверде сақтауға мүмкіндік береді және веб-кеңістікте оңай шарлауға көмектеседі, сонымен қатар сайтты талдауға және нәтижелерді бағалауға мүмкіндік береді. Көптеген веб-браузерлер куки файлдарын пайдалануға рұқсат береді, бірақ куки файлдарын пайдаланудан бас тарту немесе олардың таралу жолдарын бақылау үшін баптауларды өзгертуге болады. Алайда, егер сіз куки файлдарын браузерде пайдалануға тыйым салсаңыз, біздің кейбір ресурстарымыз дұрыс жұмыс істемеуі мүмкін екенін ескеріңіз.

• Веб-белгілер. Белгілі бір Интернет беттерінде немесе электрондық хаттарда Рош Қазақстан Интернетте кең таралған «веб-белгілер» технологиясын («тегтер» немесе «дәл GIF-технология» деп те аталады) пайдалана алады. Веб-белгілер, мысалы, сайтқа кірушілер санын немесе беттің негізгі позицияларында жасалған шертулер санын өлшеу арқылы Интернет-сайттардың тиімділігін талдауға көмектеседі. Веб-белгілер, куки және басқа бақылау технологиялары сіздің жеке деректеріңізді автоматты түрде алуға мүмкіндік бермейді. Егер сіз, мысалы, тіркелу кезінде немесе электрондық хатты жіберу кезінде өз еркіңізбен деректеріңізді берсеңіз, онда Интернет-сайттарды пайдалану ыңғайлылығы үшін және/немесе сіздің пайдаңызға өзара әрекеттесуді жақсарту үшін толық ақпаратты автоматты түрде жинау процестері басталады.

• Қызметтер. Біз Рош Қазақстан компаниясының кез келген Интернет-сайтында үшінші тараптың қызметтерін (қолданбалар, мазмұн құралдары) пайдалана аламыз. Егер сіз біздің сайттарда үшінші тараптың қолданбаларын пайдалансаңыз, мұндай үшінші тарап сіз туралы әр түрлі деректерді автоматты түрде ала алады.

Біздің Интернет-сайттарды пайдалану кезінде сіз таңдау жасай аласыз. Сіз толтыру нысандарында/өрістерінде дербестендірілген ақпаратты бермеуіңізге және біздің веб-ресурстарымыздың барлық қолжетімді қызметтерін пайдаланбауыңызға болады. Егер сіз жеке деректерді ұсынатын болсаңыз, онда сіздің оларды кез келген уақытта қажетті қолданбаны пайдаланып көруге және өзгертуге құқығыңыз бар. Кейбір сайттар сізден деректерді пайдалануға рұқсат сұрауы мүмкін, бұл жағдайда сіз келісіміңізді бере аласыз немесе келісім беруден бас тарта аласыз. Егер сіз, мысалы, электрондық жіберілімге жазылу арқылы, белгілі бір қызметке немесе ақпарат алмасуға қатысатын болсаңыз, онда осындай хабарламалардың әрқайсысында берілген нұсқауларды орындай отырып, одан бас тартуға мүмкіндігіңіз бар. Егер сіз қызмет көрсетуден немесе байланыстан бас тартуды шешсеңіз, онда біз сіздің деректеріңізді жою үшін бар күшімізді саламыз, бірақ кейбір жағдайларда бұл үшін сізден қосымша ақпарат қажет болуы мүмкін.

Жоғарыда айтылғандай, біздің ресурстар бойынша қозғалыстарыңызды бақылау үшін куки файлдарын пайдалануды тоқтатқыңыз келсе, оларды жою немесе тарату бағыттарын көру үшін браузерді қайта орнату қажет болады.

Рош Қазақстан сіздің жеке ақпаратыңызды рұқсатсыз қол жеткізуден, заңсыз пайдаланудан, деректердің тұтастығын жоғалтудан және бұзудан қорғау үшін технологиялар мен қауіпсіздік шараларын, қағидалар мен басқа да әдістерді пайдаланады. Деректеріңіздің құпиялылығын қамтамасыз ету үшін Рош Қазақстан сонымен қатар файервол технологиясын және құпиясөздерді қорғау әдісін пайдаланады. Аталған қауіпсіздік шараларымен қатар, сіз өзіңіздің компьютеріңізді зиянкестердің әртүрлі бағдарламаларынан (мысалы, трояндар, вирустар және құрттар) қорғауға жеке жауапкершілік алуыңыз керек. Сондай-ақ, сіз қарапайым қауіпсіздік шараларынсыз (мысалы, веб-браузердің қауіпсіз конфигурациясы, антивирустық бағдарламаны үнемі жаңарту, жеке файервол, шығу жолы күмәнді бағдарламаларды пайдаланбау) сіздің ақпаратыңыз бен оны қорғайтын құпиясөздерді зиянкестер иемденуі мүмкін деген нақты қауіп бар екенін білесіз.

Рош Қазақстан, соның ішінде оның бүкіл әлем бойынша аффилиирленген компаниялары және/немесе ол ынтымақтастыққа/серіктестікке тартқан компаниялар сіз таңдаған кез келген жеке ақпаратты пайдаланатын болады. Біз осы ақпаратты бақылау және басқару құқығын өзімізде қалдырамыз. Деректердің бір бөлігі басқа юрисдикциядағы компьютерлерде (мысалы, АҚШ-та) сақталуы немесе өңделуі мүмкін, мұнда құпиялылық қағидалары жергілікті заңнамадан өзгеше болуы мүмкін. Мұндай жағдайларда біз сіз тұратын елдің тиісті қағидаларына сәйкес сіздің деректеріңізді сақтау және өңдеу юрисдикцияларында қажетті қорғауды қамтамасыз етеміз.

Әр түрлі HR мақсаттарында қолданылатын ақпарат (өнімділікті бақылау, табысты даму жағдайларын зерттеу) сіздің қажеттіліктеріңізді жақсы түсіну және өнімдеріміз бен қызметімізді жақсарту үшін пайдалы болады. Бұл сізге қызықты болуы мүмкін жаңа қызметтер мен ұсыныстар туралы сізбен қарым-қатынасты жекелендіруге көмектеседі. Мысалы, біз белгілі бір медициналық көрсеткіштері бар Интернет-сайтқа кірушілердің жасы мен жынысын талдай аламыз, ішкі пайдалану үшін деректерді жинай аламыз немесе басқалармен бөлісе аламыз.

Рош Қазақстан сіздің жеке деректеріңізді технологиялық қызмет көрсететін немесе біздің мүддемізде жұмыс істейтін, клиенттік сервисті қамтамасыз ететін, өнімдерімізді жарнама арқылы ілгерілетуді қолдайтын және т. б. түрлі сыртқы компанияларға немесе өкілдерге бере алады. Сондай-ақ, біз сіздің жеке деректеріңізді біздің аффилиирленген компанияларға ұсына аламыз. Бұл деректерді алушылардың барлығы біздің Құпиялылық туралы жалпы қағидаларымызды сақтайды.

Сондай-ақ, жеке деректер келесі жағдайларда таралуы мүмкін:

а) деректердің қатысы бар бизнес пен Интернет-сайтқа құқықтарды сатумен, қайта табыстаумен немесе берудің басқа түрлерімен байланысты;

ә) заңдарға, сот шешімдеріне және т. б. сәйкес мемлекеттік органдардың заңды сұрауларына жауап ретінде;

б) қауіпсіздік қатеріне байланысты талаптарға жауап беру үшін корпоративтік тексерулер, тергеулер қажет болған жағдайда.

Делдалдық мақсаттар. Біз сізге тікелей хабарламайынша және сіз өзіңіздің жеке деректеріңізді таратуға келісіміңізді анық бермейінше, сіз Интернет-сайтта ұсынған жеке деректерді делдалдық мақсаттар үшін үшінші тарапқа сатпаймыз немесе басқа жолмен бермейміз.

Достарыңызбен немесе әріптестеріңізбен электрондық пошта арқылы хат алмасу. Кейбір Рош Қазақстан сайттарында достарыңызға немесе әріптестеріңізге оларды Рош Қазақстан Интернет-сайтына бағыттайтын хабарлама немесе сілтеме жібере аласыз. Сіз достарыңызға жіберген электрондық мекенжайлар оларды ақпараттандыру мақсатында ғана пайдаланылатын болады, ал Рош Қазақстан оларды үшінші тарап үшін делдалдық және өзге де мақсаттармен жинамайды және пайдаланбайды.

Біздің Интернет-сайттарымызда сіз үшін пайдалы және қызықты ақпарат болуы мүмкін кейбір веб-ресурстарға сілтемелер бар. Құпиялылық саясаты мұндай сайттарға қолданылмайды және біз Сізге, ең алдымен, олар қолданатын жеке деректер туралы ережеге қызығушылық танытуға кеңес береміз.

Біздің веб-ресурстар ересектерге арналған. Біз 13 жасқа толмаған адамнан, оның заңды өкілінің куәландырылған келісімінсіз ешқандай жеке ақпаратты жинамаймыз. Мұндай өкіл сұраныс бойынша баланың деректерін тексеруге және/немесе оларды жоюды талап етуге құқылы.

Егер Интернет-сайт жоғарыда көрсетілген қағидалардан өзгеше құпия қатынастарды пайдаланса және қамтамасыз етсе, онда олардың мазмұны сіздің жеке деректеріңізді есепке алу бетінде ашылады.

Егер Рош Қазақстан компаниясымен іскерлік немесе кәсіби қарым-қатынаста болсаңыз, сіз біздің ресурстарымызда ұсынылған ақпаратты, соның ішінде кәсіби пайдаланушыларға арналған сайттарды, өзара қызығушылыққа негізделген тиімді іскерлік қатынастарды құру және дамыту үшін пайдалана аласыз. Өзара тиімді мүдделерге сүйене отырып, ақпарат үшінші тарапқа берілуі мүмкін.

Кейде Рош Қазақстан осы Ережеге өзгерістер енгізе алады. Кез келген осындай өзгерістер осы бетте бірден көрсетіледі. Ережедегі өзгерістер туралы хабарлама алғаннан кейін ресурстарымызды пайдалануды жалғастыру сіздің келісіміңізді және жаңартылған ақпаратты қабылдағаныңызды білдіреді.